Bundeli Samaroh 2016 (बुन्देली समारोह 2016)


बुन्देली समारोह-2016


अखिल भारतीय बुंदेलखण्ड साहित्य एवं संस्कृति परिषद

पूज्य/प्रिय भैया-बिन्ना हरौ,

जड़कारे के ‘बुन्देली सम्मेलन ओरछा’ के बादई अपन अब जेठमासन के बुन्देली सम्मेलन भोपाल की चिट्टी, की बाठ हेर रए हुइयौ । सो अपन अपने सुवीर पुरुष और ऐतिहासिक नायक छत्रसाल जू की जैन्ती पै आयोजित बुन्देली समारोह-2016 में,भोपाल 7 जून खों न्यौते हैं,अवस्स कें पधारियौ।‘सात समन्दर पार’ग्रंथ छपगऔ,लोकार्पन खों आपकी बाठ हेरें। हालांकै अपन खों जा जानकें दुःख हुइयै कै ई सालै मध्यप्रदेष सरकार के संस्कृति विभाग ने अपनी ई संस्था खों, अकारन, एकउ पइसा अनुदान नईं दऔ। ई सें गये साल कौ खर्चा और अंगाई के,मानें ई साल कौ काम बिवूचन में पर गऔ।कंगाली तौ ठीक पै कर्जा लद गऔ।पै अपन कुन सरकार के आसरें आ टिके।अपन अपने ‘आदर’और‘साहित्य रचे’ खों कैसें रोक सकत? हम सब तौ हर हाल में काम करवे के सदियन सें आदी हैं।बुन्देलखण्ड वारन के संगै तौ हर जांगा सरकार दुआभॅंती करत। पै का कर सकत जबर मारै रोउन ना देए। हां, हो सकत अपन ई सालै अपन अपनै पांव कम फैलायें जी में पिछौरा नइं फट जाये। पै अपनौ संग उर आत्म बल हमे मिल है तौ हम रुकवे वारे नइंयां। सो अपन भोपालै पधारौ हम स्वागत में हात जोरें ठांड़े मिलें। सब कछु पैलइं घांइ हुयै। अपन सें बिन्ती है कै 7 मार्च,मंगल के भुंसरां अपन भोपाल 10 बजे नों पधारवें उर दिन डूबें लौट भी सकत।

सो एक तौ पुरस्कार के लाने प्रविष्टियां अखबार में प्रचारित करकें अपने इतै सें12मई तक पौंचावें। दूसरे-कित्ते जनें बुन्देली में आलेख‘आपके असफेर में सूका और पानी के पुराने और नये सोत’.या कै बुन्देली के पैले सचित्र खण्ड काव्य‘जय वीर बुंदेले ज्वानन की’..की पांचई साल गिरह पै अपने विचार....लिखकें जल्दी पौंचायें उर-7 जून खों को को भोपालै आयें ,जा पक्की जानकारी 15 मई तक पौंचावें कै कित्ते जनें पधारें। मो0 9826015643 पै सम्पर्क बनायें राखें। तीसरें-अपनी इकाई की प्रगति रिपार्ट 15 मई तक पौंचायें।जी सें इनाम पै विचारो जायै। चैथे-अपन अपनी सला एन मौका पै कॅंय,कै नांय मांय कॅंय,सो सुदार खों सुजाव हमें निसंकोच अवस्य पैल, पौंचायें। पांच- अपन के स्वागत,भोजनन कौ इंतजाम हुयै पै अपन बुन्देली रचनाधरम नइं बिसारियौ।

प्रेस.विज्ञप्ति

प्रति वर्ष की भाॅति इस वर्ष भी बुन्देली समारोह-2016 भोपाल में बुन्देली साहित्य पर विविध पुरस्कार प्रदान किये जाना है।अतःप्रविष्टियां .आमंत्रित हैं। बुन्देली भाषा में लिखीं किसी भी विषय पर अथवा बुन्देलखण्ड पर लिखी किसी भी भाषा में 3-3 पुस्तकें ,मौलिकता के प्रमाण पत्र एवं लेखक के फोटो और बायोडाटा सहित आमंत्रित हैं।पुस्तकें 12 मई 2016 तक परिषद् के पंजीकृत पते-75चित्रगुप्त नगर,कोटरा,भोपाल462003म. प्र., पर व्यक्तिगत अथवा डाक से आष्यक रुप से पहुंच जाना अनिवार्य है। संस्था का निर्णय अन्तिम होगा। और अधिक जानकारी के लिये मोबायल 09826015643 पर प्रातः 8से 10 या संध्या 6 से 8 बजे तक प्राप्त की जा सकती है।

By: Bundelkhand Parishad